Ta gara terorista Sirio Aleman vincula cu 9-11

919

E Guera Civil na Siria a permiti un Yihadista Aleman di origen Sirio, evadi husticia, kende ta acusa di a participa den e planificacion di e atentadonan di dia 11 di September di 2001 na Merca, te cu Forsanan Kurdo a captur’e, e agencia AFP a anuncia diaranson.

Pentagono a confirma e noticia aki diahuebs. “Nos por confirma cu a captura Mohammad Haydar Zammar, un ciudadano Aleman, naci na Siria, mas di un luna pasa pa e socionan di SDF (Forsanan Democratico Sirio) como parti di su operacionnan continuo pa derota ISIS dentro di Siria,” e vocero di Pentagono, Eric Pahon a bisa, uzando un acronimo di Estado Islamico.

“Forsanan di Siguridd Kurdo a atrapa Zammar, di mas of menos un 50 aña, den e parti nort di Siria y su interogacion ta sigui den curso,” un oficial di alto rango a indica, sin aporta mas detaye.

Ta acusa Zammar di a recluta e ehecutornan na New York y Washington di e atentadonan di dia 11 di September 2011. A detene anteriormente na Morroco na December di 2001 den un operacion unda cu a participa agentenan di e Agencia Central di Inteligencia (CIA) y entrega na autoridadnan Sirio dos siman despues.

Na Alemania, unda e tabata obhetivo di un orden di aresto pa asistencia na un organisacion terorista, algun diputado a acusa e gobierno di no a haci suficiente pa proteha un ciudadano Aleman cu por caba na enfrenta tortura of un proceso no ekitativo na Siria.

Den su pais natal, un tribunal a conden’e na 12 aña di prizon na 2007 pa su pertenencia na Cofradia di e Rumannan Muulman, un cargo pa cual por conden’e na pena di morto. Pero tras inicio di e guera civil na 2011, a libera numeroso prisoneronan Islamista y nan a uni na gruponan Yihadista.

E grupo Yihadista Estaado Islamico a ocupa e parti nort y oost di Siria, di unda cu milicianan Kurdo, apoya pa Merca, a expulsa nan