Tres Arubiano nomina pa premio trahadonan frontliners

Cu aproximadamente 100 nominacion ricibi den region, aworaki ta turno di comunidad pa yuda nos escoge e heroe den nos comunidad na Aruba.

“Den e ultimo siman nan nos a ricibi varios nominacion ilustrando esnan eherciendo nan trabou cu curashi y boluntad den e lucha contra Covid-19 haciendo esaki nan mission di tur dia “a remarca Sra. Debra King, Director of Corporate Communications, CIBC FirstCaribbean.

“Aworaki den nos segundo fase di nos initiativa, nos kier comparti storia nan di nominado nan cu ta inspira esnan rond di nan y asina dunando e chance  pa descrubi y deposita nan voto. Nos ta spera cu publico por wordo inspira cu tur e storia nan cu nos a ricibi” Senora King a añadi. Apenas un luna pasa, banco a lanza e invitiativa aki regional cu meta pa identifica e heroe cu a sa di briya den e momento nan mas skur y dificil cu crisis di Covid 19 ta trese cune.

Pa e mercado di Aruba e top 3 nominado nan a keda den persona di Sr. Angelo Anthonij di 35 aña di servicio medico, Sra. Noëlia Khalil di 26 aña den servicio medico y Sra. Wilma Boek di 44 Aña den servicio medico.

Pa vota pa e heroe di e iniciativa“ FirstCaribbean Unsung Frontline Heroes” mester log in riba nos website www.cibcfcib.com, Facebook y Instagram.

E periodo di votacion lo termina 26 di September 2020 y e ganador lo wordo anuncia na fin di luna di September 2020. Ganador lo ricibi un E-check di US$2,000 pa un staycation den un hotel di su escogencia personal.  Ta encurasha comunidad pa hasi nan votacion riba website menciona pa asina elogia un hereo local den un manera special.