Ta detene sargento di aviacion y expolis pa contrabando

Funcionarionan di e Direccion General di Contrainteligencia Militar (DGCIM) a detene cuater
homber, entre nan un Sargento ayudante di Aviacion Militar Bolivariano y un exfuncionario di
Polis Municipal di San Francisco di estado Zulia, pa contrabando pa Aruba.

E hombernan tabata scondi den un area di e sector El Vinculo na Paraguana di Estado Falcon, a bordo di un vehiculo Chevrolet unda cu nan tabata hiba material, cu nan tabata pretende pa saca ilegalmente pa bay Aruba. A confisca for di e detenidonan 19 plachi di dos meter cada un di material parecido na hero, aproximadamente 15 mil kilo di tomati, 20 macutu di fruta entre nan sorsaca, guyaba, parchita, banana, comcomber y lamunchi. E caso aki a wordo remiti pa Ministerio Publico.