Despues di a conoce informacion riba detencion di varios Falconiano pa e organismo migratorio na Aruba pa e delito di trata di persona, siendo su punto di salida Playa Adicora, polis den e municipio Falcon a cuminsa cu e respectivo investigacionnan desplegando buskeda di autor y complicenan den e hecho delictivo aki.
Asina e hefe di polis Señalo Gonzalez a bisa, cu a logra detecta despues di e investigacion y denuncianan formula di un ciudadano di e zona, kende a mustra combersacionnan riba un telefon celular, cu ciudadanonan deteni riba e isla, pa e caso di trata di persona den dicho procedimento.
E detenido, un piscado conoci identifica como Jose Gregorio di 39 aña di edad, for di La Vela de Coro y residencia na Playa Adicora.
E detencion a tuma luga pa mas of menos 8’or y mey di anochi di dialuna, dia 20 di augustus.
A confisca un paspoort Venezolano na su nomber, e telefon celular, evidencia di ta presuntamente envolvi den e delito, 4 parti di motor di boto marca Yamaha y un brommer color blauw marca Bera. Dicho evidencianan y e detenido ta den man di Ministerio Publico di estado Falcon pa verifica e veracidad di e hechonan.
