Un total di 23 persona a wordo deteni door di Polis na Falcon despues di a confisca un gran un gran cantidd di bulto di sigaria, taira y combustibel na estado Falcon.
Durante un rueda di prensa na e sede di Centro di Coordinacion Policial (CCP) Falcon, e vocero a indica cu 23 ciudadano a keda deteni den diferente operativo efectua pa funcionarionan di PNB, incluyendo cuater persona na Maicillal, bario di Jacura, for di kendenan a confisca 200 bulto di sigaria marca Miller y Malibu, pa un total di 2 miyon di unidad y 12 boter di whisky marca Chequers, cargamento cu a wordo transporta sin e documentacion legal corespondiente, den un truck y un pickup.
Ta conoci cu e gruponan delictivo dedica na contrabanda di e productonan aki, ta opera for di Paraguay y Uruguay, pasando door di e islanan Caribense te cu desembarca e mercancianan na e costanan Falconiano pa despues hiba e cargamento den interior di e pais y enrikece di manera ilegal. Tambe tres ciudadano a wordo deteni na e Punto di Atencion Vial Yaracal, riba e caretera nacional Moron-Coro, bario di Cacique Manaure, pa e delito di contrabanda di combustibel (624 liter di gasolin) cu tabata wordo traslada den un pickup Ford, manera cu General Morales a sigura.
Adicionalmente dos antisocial a wordo deteni pa hortamento di material strategico; 12.5 meter di kabel multipar perteneciente na CANTV y 32 kilo di koper saca ilegalmente di e instalacionnan di Corpoelec, causando daño na e sistema di comunicacion y e sistema electrico nacional respectivamente.E hechonan aki ta suma na otronan unda cu e detenidonan a wordo señala pa posesion ilegal di arma, violencia di genero, infraccion y resistencia na autoridad.”Nos lo sigui desplega a lo largo y hancho di e pais pa garantisa paz y siguridad di e nacion, nos no lo duna tregua na mafianan organisa,” Morales a expresa, kende a invita e ciudadania pa denuncia cualkier hecho iregular cu ta atenta contra e stabilidad di e poblacion.
