Recientemente durante un entrevista den e noticia di Mimi Rosell na Bo Guia 88.9FM, e politico Drs. Candelario “Booshi” Wever a duna di conoce cu Otmar Oduber di POR lo ta tras di e politico Gerlien Croes di AVP. Ta insinua cu e lo subi lista di POR siguiente eleccion, cu el a haya tereno recientemente den algun siman y cu Minister Oduber a ofrece un trabou na su Ministerio. Awe e mandatario a nenga e alegacionnan aki, durante un entrevista awe mainta den noticia di Hans Geerman na Top 95 FM.
Minister Otmar Oduber a duna di conoce e terenonan cu el a otorga recientemente, tur tabata terenonan cla y procesa caba for di tempo di ex Minister Benny Sevinger. E aplicantenan a cumpli cu tur rekisito adelanta y como tal el a djis otorga e terenonan den forma oficial.
Gerlien Croes berdad tabata entre e aplicantenan cu a haya un tereno otorga na dje, pero no ta nada cu Oduber a fix ultimo momento. Cu esey ta un sorto di “fabor” pa e bay riba lista di POR tampoco ta cuadra cu berdad.
Minister Otmar Oduber a condena e forma con Booshi Wever ta purba trece mentira den media. El a conseh’e pa e traha mas duro riba su mesun partido UPP y no gasta mucho energia riba POR.
