Un red dedica na trafico ilegal di persona cu tabata opera for di Paraguana pa Aruba y Corsou, a wordo desmantela tras di un trabao di inteligencia di funcionarionan di e Centro di Coordinacion Policial 7 na Pueblo Nuevo.
Cu e detencion di seis integrante di e banda delictivo aki, a contraresta e delito di saca for di pais, via maritimo personanan cu ta paga te cu 300 dollar pa nan wordo hiba pa Aruba y Corsou.
Comisario generla Oswaldo Rodirguez Leon, secretario di Siguridad Ciudadano y Orden Publico di e estado, a ofrece informqacion riba e procedimento cu tabata na encargo di e supervisor hefe Franklin Gonzalez, director di CCP7 y unda cu a pone e lider di e grupo, un individuo yama “Ali el antifaz”, di 52 aña, kende na e momento di su detencion tabata cu su compinchinan abordo di un auto marca Gran Vitara, cual tabata staciona na canto di e bahia di Piedras Negras, den e municipio di Falcon.
Ta asina cu e involucradonan tabata “dispidiendo” un embarcacion tipo lancha cu varios pasahero abordo, na momento cu nan a wordo sorprendi pa e comision policial.
Den e procedimento a detene otro individuonan conoci como Johan, Endrix, Alexis, Gregorio y un dama identifica como Yesika.
Tur cu residencia den e municipionan Carirubana y Falcon y kendenan a wordo poni na disposicion di Fiscalia XXIII di e Ministerio Publico.
Comisario Oswaldo Rodriguez Leon a informa cu pa e caso aki ta buscando activamente otro delincuente yama “El Angelito de Carirubana” y kende ta fungi como e negociador di e biahennan ilegal.
