Ta castigabel pa falsifica plachi di number y sticker

Por a tuma nota cu tin benta di sticker di number di auto online. Luenne Gomez-Pieters, directora di Departamento di Impuesto a conta cu nan ta na altura di cierto movecionnan cu ta tuma luga di no solamente benta di sticker, pero tambe plachi di number, otro tipo di negoshinan cu no ta registra na Departamento di Impuesto.

Gomez-Pieters a enfatisa cu loke ta haci como Departamento di Impuesto ta un trabao serio y ta castigabel pa falsifica plachi di number. Ta castigabel pa falsifica sticker y nummerplaat of cualkier otro documento cu ta oficial di Departamento di Impuesto. Momento cu esaki ta sosode, ta señala esaki. Departamento di Impuesto tin un team di control, un tema di FIOD cu ta registra clientenan cerca nan. Momento cu señala esaki, ta cuminsa haci nan propio investigacion y si ta necesario ta pidi intermediacion di polis. Den e caso cu a sosode, tambe a haci un keho na polis y e ta cana su caminda di investigacion.

Diferente caso

Tin varios caso cu a sosode. Den e caso di e sticker, tin un otro caso di falsificacion di plachi di number, tambe cu a señala y lag’e cana su caminda formal cu e tin cu cana. E proceso ta cuminsa cana of e hendenan ta wordo deteni of ta haya un boet di parti di polis. E ta un trabao cu ta bin ta haci pasobra segun e directora, ora ta trata cobransa di impuesto, esnan cu ta haci negoshi, tin cu registra eynan. Departamento di Impuesto no tey pa kibra ningun negoshi ni cera ningun negoshi. Si lo kier enfatisa cu tur hende cu ta haci negoshi, pa ta registra na Departamento di Impuesto. Registra na Camara di Comercio y tambe na Departamento di Impuesto si ta trata di loonbelasting, BBO y Winstbelasting, pa asina ey pago di impuesto tambe ta forma parti di e totale bussiness plan di un negoshante. Na momento cu tin cosnan ilegal ta sosode, ta cana un otro trayecto, cual ta bira un tiki mas serio, caminda cu ta pak aan cierto situacionnan cu no ta desea.

Mas activo

Departamento di Impuesto tin un afdeling cu ta trahando mas pisa riba dje. A bin ta structura e trabaonan cu a bin ta haci durante añanan. Cu colaboracion di afpak team y tambe nan propio team di control, caminda cu tin hendenan capacita pa haci e trabao, cu ta enfoca riba cierto practicanan cu ta ilegal, cu no kier stimula, segun Gomez-Pieters.