Cuerpo Policial ta haci un apelacion na testigo(nan) pa cu e accident serio cu a tuma luga diasabra anochi 23 mei 2020 pa mas o menos 10:43 riba e caminda di Sero Pita, na unda un chauffeur a perde su bida.
E dia encuestion un auto Suzuki Swift blauw numera A-37161 probablemente lo mester a bay pasa un Nissan March color blanco numera A-31587 y a dal frontal den un Nissan March color licht biña numera A-71465.
Cuerpo Policial ta haci un apelacion na testigo(nan) pa tuma contacto cu Departamento di Trafico na telefon 5852500 of celular 5975194 y puntra pa mr Meye of mr Solarte Tovar.
E accidente ta esun den cual e chauffeur Leonard Boekhoudt, funcionario policial, a perde su bida, y e otro chauffeur, Lui Larez, ta muchando pa su bida den Cuido Intensivo.
Personanan cu tabata den bisindario of personanan cu por tin camara di siguridad na nan cas, tambe por tuma contacto cu Cuerpo Policial.
