Diabierna atardi, mayor cu nan yiunan, personanan preocupa, hunto cu organisador di e manifestacion contra abuso di mucha, Yuri Bracho, a reuni na Linear Park, unda cu nana cana bay Parlamento, despues bestuurskantoor, unda cu nan a entrega un manifiesto, expresando asina nan dolor, preocupacion y disgusto pa e fenomeno cu a lanta cabes, cual ta abuso di mucha.
Na prome instante nan a entrega e manifiesto na parlamentarionan, pa despues sigui y entrega e manifiesto na ministernan Rudy Lampe, Andin Bikker, Glenbert Croes y tambe Otmar Oduber, tumando encargo como vice prome minister, ya cu prome minister Evelyn Wever-Croes no ta na Aruba.
Manifestacion Contra Abuso di Mucha
Manifestacion Contra Abuso di Mucha
Posted by 24ora on Friday, May 17, 2019
Tabata tin diferente persona cu a join e manifestacion compaña pa polis, pa asina entrega e manifiesto.
E manifiesto ta bisa como lo siguiente:
“Na prome lugar mi ta desea secrecia medico.
Mi ta desea pa haya castigo di 12 aña pa cada abusador.
Mi kier pidi pa pone un team special na Voogdijraad manera un ehempel ora bo bay entrega un keho of avisa riba un abuso no bisa e instancia of e persona cu ta tal hende a bin keha boso of abo.
Pa Voogdijraad tin un liña di telefon specialmente pa abuso infantil.
Pa pone mas hende traha y duna training na e trahadornan pa asina no hunga emocional riba bo persona ya cu tin biaha nan no kier of nan ta mustra bo cu gesto manera “abo atrobe”, mi tin hopi caso, mi ta malo, mi tin otro caso, atrobe mi no sa kico mas pa haci, mester compronde, mi colega e no por awor of warda no mester keda bin.
Cu e trahadornan por bira mas trankil riba e mamanan, duna sosten pa asina nos como mayor por sinti menos miedo y mas forsa ora di haci denuncia.
Mi mes personalmente a bay Voogdijraad y pone un keho riba maltrato di mucha di Imeldahof y despues na Imeldahof nan bisa mi: bo a keha nos, nos no ta desea bo bin mas cu bo cell, etc.
Pa bin cu charla na Cas di Cultura y Scol den Bario tocante no tene miedo, no keda sin papia.
Pone un website pa e pedofiel. Pone nan den tur sistema di Aruba cu nan por keda marca pasobra ora nan abusa di un mucha e ta keda marca pa semper.
Departamento di Asuntonan Social mester por guia nos yiunan y henter e famia ora cu un di nos sernan keri wordo abusa. Mester por prepara nos tur con pa atende ora un desgracia asina sosode.
Pone control riba instancianan aki.
Miho guia pa un mucha abusa, pa un mama y ruman.
