Awe tardi un patruya di polis a presenta na lama y a acerca Pair A Dice Charter. Hunto cu Ilia Lopes-Franken di Pair A Dice Charter tabatin un mucha homber sinta, kende ta un freelancer. Polis ta sospecha Lopes-Franken di a verniel (destrui) y di tin un keho entrega contra dje di a haci daño, di a corta cabuya cu ta pertenece na un area di landa.
El a splica nan cu e tin dos aña na unda e ta awendia, pero tur hende sa cu Otmar Oduber a kit’e for di Moomba Beach pa duna su hendenan cu a sponsor su campaña y mester a duna nan recompensa. Gobierno a djis yega pon’e eynan, unda e ta haya e restonan.
Segun Lopes-Franken, tin un caminda habri unda e ta pone boto y waverunner y tur hende ta drenta sali pa traha. Tanto polis como recherche a presenta y bis’e di a corta cabuya. El a admiti di haci esey y cu nan no por strob’e di traha. A sali un video y e no sa kico a pasa precies, pero a bisa cu ora el a yega ya caba e luga tabata cera.
Un compania cu ta drecha boei pa AHATA of gobierno tin e contract. Siman pasa lama tabata hopi malo y e ta kere cu e stroming a kibra e cabuya y bay cu ne. E no por sinta warda te ora un hende yega pa resolve e problema y e tin di keda cas algun dia pa despues bin traha bek. Lesa mas den TREMPAN.
