Artista T-Drick tin un produccion nobo di cual a lansa un videoclip. P’e videoclip aki el a traha cu Eli Demillion, kende tabata esun cu a skirbi e cantica. Ya caba por scucha e cantica ‘Si’ riba YouTube como Spotify.
T-Drick, artista, a conta di a traha cu Eli Demillion riba e cantica ‘Si.’ Desde hopi tempo e tabata interesa di haci un colaboracion cu Eli Demillion, kende e conoce pa hopi aña como cantante.
E tabata interesa pa haci algo nobo. Aña pasa T-Drick a anuncia di ta cuminsa un concepto nobo di Afrobeat cu amapiano. Segun e artista, amapiano ta algo nobo pa Aruba.
E prome ritmo di amapiano cu el a cuminsa cu ne tabata ‘Private School.’ Amapiano a bin fo’i cantica House, a baha e tempo, a hinca elemento mas Africano. Esey ta estilo di musica cu T-Drick ta treciendo Aruba, y esey tabata prome cantica cu el a saca despues di hopi aña.
Letra di e cantica tabata composita pa Eli Demillion. Pa loke ta e concepto, segun T-Drick, e vibe ta asina bon y di no bisa un ‘No’ pero ta spera un ‘Si.’ E musica ta uno pa relaha, pa scucha atardi, bay lama. Door cu e isla ta rondona di awa, por bay band’i lama y scucha.
E videoclip tabata bou encargo di J Winklaar, kende tabata e director. Winklaar a bin cu e idea di e VHS (Very Hot Summer). T-Drick a pidi pa haci e concepto di zomer, retro, estilo di antes.
Ya caba por scucha e cantica riba YouTube como Spotify.
