Sweet Devils Ladies Softball Team a ricibi sponsor for di Aruba Bank. Sweet Devils Ladies Softball Team ta existi pa hopi aña y a representa Aruba na diferente ocasion den softball. Aruba Bank tabata presente na veld di Pos Chiquito unda nan a topa Sweet Devils Ladies Softball Team. E aña aki Aruba Bank ta sponsor Sweet Devils Ladies Softball Team pa participa den e torneo di ‘Un Kara’ na Corsou.
Sweet Devils Softball team ta un team di dama cu ta practica e deporte di softball pa mas cu 15 aña. Den e transcurso di e 15 añanan aki, e team a sa di representa Aruba den e miho manera posibel y actualmente ta un di e top teamnan di dama den e liga di Slowpitch aki na Aruba. E aña aki a acerca Sweet Devils Ladies Softball Team pa forma parti d un Torneo Internacional Liga 30+ na hermana isla Corsou cu lo tuma luga dia 7 di Maart 2018 te cu dia 11 di Maart 2018 na Frank Curiel Ballpark. Paisnan invita ta entre otro Aruba, Corsou y Sint Maarten.
Aruba Bank ta sigui contribui cu deporte pa asina esaki sigui crece den comunidad di Aruba. Tambe nan ta sostene hende muhe cu ta haci deporte. E aña aki Aruba Bank a yuda e team cu materialnan cu nan mester di dje. E team a ricibi helm di catcher, balanan, tas di softball y hopi mas. Aruba Bank ta orguyoso di por a contribui cu Sweet Devils Ladies Softball Team pa asina nan por sigui representa Aruba den torneonan di softball.
