Durante un conferencia di prensa dialuna mainta na sede di Stichting voor Verstandelijk Gehandicapten Aruba (SVGA), e educador fisico, Jose Puente, a elabora riba celebracion di 55 aña di nan existencia. A papia di con e fundacion aki lanta y kico tur loke nan ta haciendo den cuadro di e celebracion aki.
Historia
Na aña 1964 un grupo di persona preocupa cu e situacion di e personanan cu un limitacion intelectual a dicidi di haci un investigacion pa wak bou cual circunstancia e personanan aki tawata biba. Christina van de Berg-De Freitas, sr P. Harting y sr A. de Vries, tawata e pioneronan riba e tereno aki.
Locual nan a encontra tawata situacionnan deplorabel y pa cual mester bin cambionan rapido. A lanta un fundacion dia 9 di December 1964, y a cuminsa traha plannan. Christina van de Berg-De Freitas tabata activo como presidente te cu 2012.
Den e añanan cu a sigui a crea 3 pasadianan ( Bibito Pin, Briyo di Solo y Man na Obra ), cas pa reemplasa famia ( Cas Shabururi ) y biba den bario y 1 Scol Dun’un Man pa enseñanza special.
Celebracion
Riba e 55 aniversario nan kier celebra na grandi, “reconociendo cu nos por sigui mehora. Nos ta mira cu e Fundacion a crece y a logra realisa hopi di su plannan. Ta sigui traha pa realisa mas luga di vivienda y un scol pa e alumnonan cu ta sali di Scol Dun’ un Man , e Fundacion ta modernisando , trahando cu specialista y sistemanan automatisa.”
El a sigui bisa cu riba tereno di cuido, guia y enseñansa e desaroyo a bay hopi lihe. Ta uza metodonan moderno pa yega na integracion y participacion den nos comunidad y lo sigui traha na un desaroyo maximo di nos clientenan hunto cu mayornan y profesionalnan.
“Semper nos lo keda hopi gradicido na tur a traha cu tanto stimacion pa nos grupo meta, den e 55 aña cu a pasa y door cu ta hopi no lo menciona nan, pa no laga ningun afo.”
Feria di Alegria
A pensa riba e forma di celebra e fecha aki y algun colega a pensa pa haci algo recreativo y a pidi e 2 educadornan fisico (Mr. Jean Kock y José Puente) di e departamento di deporte pa organisa esaki. A a pensa riba un forma di feria caminda tin hopi actividad recreativo.
Tambe a desea pa pidi ayudo na comunidad pa haya suficiente boluntarionan cu por yuda duna atencion prome, durante y despues di e feria.
Aki ta caminda nos a haya caba IPA, IBISA
o Fecha: Dialuna 9 di December 2019
o Ora : 9:30-12:30
o Luga : Piedra plat 97A
o Caracteristicanan di e feria
*E weganan recreativo planifica dor di e dos stagairenan di IPA di Ibisa lo wordo ubica den forma di un circuito
*Cada wega lo tin 3 variacion cu lo por wordo adapta na e nivel di cada participante.
*Lo tin ambiente musical di DJ Alvin.
*Entre e weganan lo ta bay tin tres tent unda cu ta spot nan pa hydrata y come algo durante di e Feria.
*A plania tambe pa pone un tent di prome auxilio y ta spera di por conta cu e ayudo di e instancia di Rode Kruis.
Tur esaki SVGA a logra solamente cu e sosten di comunidad henter. Semper por tuma contacto cu e directora general pa medio di su secretaria na e number general di SVGA cu ta 5227842.
– Danki na instancianan.
• IPA
• Ibisa
• VIA Party & Event Rentals
Punto importante : Nos ta conta y confia cu e lista aki lo keda aumenta.
Ya caba a solicita coperacion di Restaurantnan , Supermercadonan , dor di e nesecidadnan cu e Feria di Alegria ta rekeri.
