Sociale Verekeringsbank Aruba (SVb) a tene un presentacion y a papia riba e trabounan cu tin contacto, manera e Barbershop y Salonnan di Beyesa. SVb a papia cu diferente personal di salonnan di beyesa, Barbershop, doñonan p’asina nan ta bon informa y cla pa habri dialuna venidero. Nan mester tene na cuenta e medidanan, salud y siguridad di higiena pa sigura cu tur cos ta bay safe.
Dr. Myron Genser di SVb a bisa cu nan mester tene cuenta cu e distanciamento social, pero ta compronde e contacto entre e personal y cliente no por tin distancia, di cual esey ta e unico momento cu no lo tin e pero na tur momento den e salon mester tin distancia entre clientenan di 1 meter y mey, entre coleganan 1 meter y mey.
E feedback cu SVb a ricibi ta positivo di esnan cu ta eherce e profesion aki, pasobra nan ta contento di cuminsa traha bek. Segun dr. Genser, e trabounan tin cu percura pa tur cos keda cla pa por cuminsa traha bek.
Den fin di siman nan ta percura pa cumpli cu e ultimo puntonan ta cla pa por habri dialuna, tambe nan ta bay haci uzo di e checklist riba SVb su website. Aki nan lo por mira kico tur nan tin cu tene cuenta cu ne. Riba e website tambe tin e protocolnan, specialmente e contact beroepen. Nan ta poni na 4 idioma, p’asina tur hende por ta trahando riba mesun linea.
E companianan cu yega cerca SVb ta ricibi flyers, posters pa pega rond di nan luga percurando con pa laba man, hand sanitizer corectamente. Ta pone na entrada pa ora di drenta e luga kico tur mester tene cuenta cu ne. E reglanan ta pa yuda tur negoshi, tur departamento di gobierno, luganan, unda ta papia riba e distanciamento, con pa niester, con pa tosa y con pa tene cuenta cu tur esaki.
Segun dr. Genser, e idea ta pa sigui duna charlanan te unda por. Tin diferente luga pero e base ta keda mesun cos. Riba e website ta haya e protocol, pero conforme esaki ta cambiando sea ta informa esnan cu presenta na e charlanan of ta manda esaki den informacion masal. El a bisa cu semper por acudi riba nan website si tin algun duda.
A cuminsa cu e charla riba diabierna, pero lo sigui riba diasabra y diadomingo pa tur Barbershop y Salon di Beyesa registra. E idea ta pa termina cu esaki diadomingo. SVb ta trahando di mainta te atardi laat, pero idea ta pa termina esaki diadomingo p’asina dialuna tur por habri riba e mesun linea, segun dr. Genser.
