SVb a instala oficialmente 6 colega como Buitengewoon Opsporingambtenaar

Awemainta director di Banco di Seguro Social di Aruba SVb ir. Edwin Jacobs  tabata tin e honor y placer pa ricibi un grupo di colega kendenan cu exito a termina nan estudio pa bira un Buitengewoon Opsporingsambtenaar (BOA).

ADV

Despues di un trayecto di 2 aña hopi sacrificio y esfuerso a culmina ora tur studiante a pasa e examen cu exito. Awe esaki a ser corona pa nos coleganan kende a ricibi nan carnet oficial di BOA.

Cu e carnet aki e colega tin e responsabilidad oficial pa por ehecuta e trabaonan di un BOA, por ehempel por skirbi proces verbaal cu posibel boet como consecuencia.
Esaki sigur ta bay yuda SVb ehecuta su trabaonan di control unda mas colega tin e conocemento, estudio y autoridad pa por controla doñonan di trabao y den caso di incumplimento cu nos leynan por enforsa esaki.

SVb sigur awo ta miho prepara pa subi caya y ehecuta su controlnan. Esaki ta encera cu na unda constata infraccion riba nos leynan SVb por actua mas lihe.

Un pabien ta bay na coleganan Maria Walle, Margarita Orman, Carlos Webster, Joanne Bruin, Ivy Guerrero y Lisandra Yearwood-Paesch kendenan a ricibi nan carnet official di BOA. Ademas un danki ta bay na hefe di Control Externo Marieta Tromp, Hoofd SOVA Marysol Thiel y Director Edwin Jacobs pa nan apoyo y sosten durante e ultimo dos añanan pa haci un Proyecto mas di SVb bira un realidad.

Comments

comments