Segun ley cu a drenta na vigor dia 1 di juli di 2016, tur trahado cu ta traha pa un empresa mester ta sigura desde di e prome dia. Anteriormente caba tabata tin e exigencia ey, pero no tabata posibel pa a multa esnan cu no ta cumpli cu e obligacion aki.

Entrante dia prome di juli e ley a drenta na vigor y tambe entrante 1 di juli 2017, ora cu a keda cla cu e boet administrativo, a anuncia esaki. Desde e fecha ey, tur trahado cu ta inscribi laat, e dunado di trabao ta ricibi un multa.

SVb a duna boet na 179 empresa cu no tin trahadonan registra

SVb a duna boet na 179 empresa cu no tin trahadonan registra. Click link pa mas https://24ora.tv/341hBgR

Posted by 24ora on Friday, November 22, 2019

Tur trahado, ora di haci control na pia di trabao y constata cu e no ta inscribi na SVb, tambe ta ricibi un multa y un multa mas halto cu ora e mes bin inscribi esaki.

Segun director di SVb, Edwin Jacobs, a topa cu poco dificultad cu e procesamento di e multanan aki. A laga traha algo pa e bay digital y mas facil. Esey a tuma un tiki tempo di parti di e banda di seguro social. Pero awo ta den e fase pa bay haci esaki mas rapido. Te asina leu, a notifica 205 dunado di trabao cu tin e intencion di duna nan un multa pa motibo cu nan a inscribi nan trahado laat, di cual 179 ya a ricibi un multa cu ta suma na 122,359 florin. Loke tin ainda pa pone, ta 33 mil florin.

E proximo dos pa tres lunanan, e cantidad cu ta bay notifica ta bay ta aumentando pa motibo cu SVb lo bay ta procesa esaki mucho mas rapido.

Loke si tin cu bisa ta, Jacobs ta spera cu awo cu a introduci dia 15 di november ultimo e website MiSVb 2.0, no tin motibo mas pa dunadonan di trabao no inscribi nan trahadonan na tempo. Ora cu tuma nota di e obhecionnan cu ta drenta como notificacion cu ta bay pone multa, ta tende cu e trahado no tabata por e prome dia, e trahado no tabata sa. Ta motibonan cu SVb no por acepta como valido pa no impone un multa. Ley ta conoci desde 1 di juli 2016, caminda cu a hiba diferente campaña publico, mustrando cu e ley a drenta na vigor. A informa e dunadonan di trabao mediante un carta directo cu e ley a drenta na vigor. Pues no tin motibo valido cu si e no a bay digital y algo a sosode na SVb.

Pero e motibo cu e persona no tabata por, of e tabata malo of no tabata sa di e ley, no ta motibonan valido cu SVb no ta cancela e notificacion di e multa administrativo aki.

Despues di dia 15 di november, cu introduccion di e webpage, no tin motibo pa un dunado di trabao no cumpli cu e trahado y sigura e persona desde e prome momento cu e drenta den servicio.

Inscripcion di empleadonan

Jacobs ta sigui splica cu por mira despues cu a anuncia na 2016/2017, e cantidad di trahadonan no sigura, a aumenta. Esey ta debi parcialmente, gran parti na e hecho cu a anuncia e ley. Awor aki ta mira e cantidad di trahadonan ta aumentando pero ta mas bien pa motibo di crecemento economico, ta bin cuponan di trabao mas acerca. Awor aki e efecto no ta dje grandi ey manera e tabata na momento cu a anuncia e multa. A indica tambe cu ley por bay te na mey miyon florin di multa pa cada trahado no registra.

E ley aki ta sumamente importante pa proteccion di e trahadonan. SVb a tende di casonan den prensa caminda cu trahadonan por ehempel a accidenta y ora bay tira un bista den sistema di SVb ta mira cu e personanan ey cu a accidenta, segun prensa, no ta sigura. Por lo tanto, si e persona aki keda cu un discapacidad, e pregunta ta kende lo para responsabel pe. Ken lo percura pa e haya su entrada. Asina tin mas caso cu por pasa. Accidente bo no sa unda e por pasa. E por pasa e prome dia di trabao cu por tin consecuencia a largo plaso pa un trahado.

Hopi biaha por haya cu un dunado di trabao ta di mala fe, ta bandona e trahado lagando e trahado desampara. Esey ley no ta permiti. P’esey ta importante pa e trahado ta registra y ta sigura.

Jacobs a agrega cu loke ta funciona hopi bon ta e hecho cu nan ta haya hopi tips di comunidad, unda tin empresanan caminda cu trahadonan no ta sigura. E momento ey SVb ta manda control externo pa bay haci control y determina si realmente na e empresanan ey tin personanan cu no ta trahando sigura.

E sectornan cu ta keda sector di preocupacion, ta construccion, ta sector di siguridad, e sectornan cu ta traha den hotel (horeca). Hotel ta outsource cierto trabao na contratistanan cu no ta percura tur ora pa e hendenan aki wordo sigura. Ta mira un mehoracion pa loke ta trata uitzendbureaunan, cu ta cuminsa haci uzo di e prome fase di e digitalisacion di inscripcion. E ta canando poco mas miho compara cu antes, pero e sectornan cu a constata ultimo aki un biaha mas, ta e sectornan ya menciona.

Tin cu bisa cu despues cu a haya e autoridad aki pa pone multanan administrativo, a cera cabes cu otro departamentonan, manera departamento di labor, departamento di DIMAS, na momento di haci controlnan conhuntamente.

Tin cu menciona cu tin otro tipo di acercamento cu DIMAS y cu DAO, pa motibo cu segun nos leynan, un trahado, ora cu yega na e luga di trabao, no ta pidi pa su status legal na Aruba. Ta determina si e persona ta un trahado. Si e ta un trahado, e tin e obligacion pa wordo sigura, si e ta legal of ilegal na Aruba, esey pa SVb, no ta e issue. E issue ta, cu e mester traha sigura.

Den e proximo añanan lo bay traha mas duro y bira un organisacion di mas control, caminda cu kier determina cu un trahado cu traha si ta pa un siman of un luna, e ta traha cu su proteccion social cu e mester den caso di accidente, cu por laga efectonan a largo plaso.

Comments

comments