Dialuna anochi SV Sportboys, manera tur aña tabata tin e celebracion di Dera Gai/San Juan. Pero e aña aki tabata special, mirando cu a celebra 60 aña di Dera Gai. E aña aki a dedica e evento na ex Presidente di SV Sportsboys, sr. Rufo, cu su añanan di trayectoria pa loke ta e fiesta aki.

Soraida Boekhoudt, Presidente di SV Sportboys, a splica cu e ta haya cu e fiesta aki ta birando mas popular. Sinembargo mester purba di inculk’e den e muchanan, den esnan mas hoben. Con cu bay bin, si mira bon, tabata tin basta hende hoben, pero toch por a mira esnan di custumber.

 

SV Sportboys a celebra 60 aña di Dera Gai

SV Sportboys a celebra 60 aña di Dera Gai. Click link pa mas https://24ora.tv/2x9qPsH

Posted by 24ora on Tuesday, June 25, 2019

Ta pidi Minister di Cultura, pa inculca e fiesta di Dera Gai cerca e muchanan, pasobra con cu bay bin, nan ta e futuro di mañan.

Un evento popular

Boekhoudt a splica cu e evento, manera tur aña, tin Nai Rasmijn, kende pa 52 aña ta organisa e fiesta. Rasmijn ta hopi activo y tin hopi aña di experiencia. Boekhoudt mes ta organisando esaki e aña aki, como cu e ta Presidente.

Con e tabata

Antes tabata mata un gai di berdad. Pero awendia no ta haci esey mas, mirando cu ta contra derechonan di bestia. E tradicion a sigui, pero por medio di un calbas. Ta dera un calbas y esun cu kibra e calbas, ta bira di matado di e gai.

Segun Boekhoudt, ta haya cu e Ministernan mester inculca e fiesta aki na scol, p’asina e muchanan haya briyo pa nan por bin haci’e.

Comments

comments