SV RCA: Ta hunga pa bira campeon awenochi atrobe

E aña aki SV RCA ta celebra 85 aña di existencia y como tal fanaticonan ta hopi entusiasma pa corona e celebracion cu e trofeo di campeon di futbol division di honor pa aña 2018-2019. Omar Tromp, coach di SV RCA a bisa ayeranochi cu entrenamento a bay bon y hungadonan ta cla pa hunga pa gana awe diaranson anochi.

SV RCA ta considera Deportivo Nacional como un bon ekipo tambe. Esaki ta e dos miho ekiponan di Aruba, cu a bataya henter e campeonato y a yega final cu e puntuahe mas halto, cu miho averahe di gol.

Omar Tromp ta invita fanaticonan di SV RCA pa yega stadion awenochi, pa apoya nan ekipo y e wega general.

Omar Tromp (Coach di SV RCA): Nos ta bin pa bay cu e copa di campeon awe!

Posted by 24ora on Wednesday, June 19, 2019