Awe diadomingo 21 januari lo tuma lugar e semi final di Copa Betico Croes 2018 ora cu e Pumanan topa cu e Abejanan den stadion Guillermo P. Trinidad pa 6’or di atardi. Sv Britannia tin un total di 7 titulo di Copa Betico ariba nan nomber mientras di otro banda Sv Dakota tin 1 titulo ariba nan nomber. E wega di awe tardi ta di suma importancia tumando na cuenta cu Dakota tin 4 hungador cu ultimo campeonato ainda a hunga cu Britannia. E hungadornan ta; Luis Carlos Croes, Keano Maduro, Lio Kaarsbaan y John Lugay. Segun encuestanan ta mustra Sv Dakota tin un ech ariba Britannia pa locual ta e wega aki door cu Dakota tin un elenco mucha mas amplio cu Britannia. Pero semper estadistanan por faya y un team di menos por bai pa mas. E wega lo cuminsa pa exactamente 6’or di atardi y despues Riverplate lo midi forsa contra di Estrella den e otro semi final. E gran final lo tuma lugar diahueps awor dia 25 januari dia di Betico Croes. Nos ta topa den stadion awe tardi pa 5:30.
