Dialuna anochi a tuma lugar e gran final entre SV Britannia Frisian Flag contra di Estrella. SV Britannia Bright Bakery a bin di un victoria pa medio di pinalty contra Dakota mientras di otro banda Estrella ta bin di un victorio di 2-0 contra di Brazil Jrs. Mester bisa cu varios hungador di Estrella a hunga un dia anterior den division honor i asina mes a duna bataya duro contra di SV Britannia Total Finance.
SV Britannia Wester Union a cuminsa cu e siquiente aliñacion; Darrell Franken, Shanyika Godoy, Rubison Geerman, Stijn van Suilen, Derricson Kock, Myron Carrion, Marcus Portier, Robert Solognier, David Castro, Francis van der Linden i Thionne Oduber. E wega a cuminsa bon balansa unda cu SV Britannia Pizza Hut tabata tin un leve dominio ariba Estrella cu mihor cordinacion di wega. Trempan den wega unda cu un hugador di Estrella ta haña carchi geel i ta bira bisa refree algo cual a causa su expulsion for di wega i asina mes Estrella a keda peligroso i na di 35 minut di wega den un contra colpi Estrella ta score pa hasi e wega 1-0 i trese panico den e pumanan. Pero no a tarda hopi cu SV Britannia Frisian Flag ta reaciona pa medio di Francis van der Linden cu ta empata e wega na di 44 minut. SV Britannia Vitamalt ta conosi si ta bons bek ora nan cai atras. Den di dos tempo SV Britannia Bright Bakery ta amplia e score 2-1 i atrobe pa medio di Francis van der Linden.
Faltando algun minut pa wega caba Estrella ta haña un pinalty i akinan Darrell Franken ta para e pinalty di Jeanpierre van der Linden pero practicamente den e mes un minut Estrella ta empata e wega pa medio di e propio Jeanpierre van der Linden i asina e wega ta bin caba 2-2. Di e forma aki ta bai 60 minut extra i ningun di dos team ta score i despues di 120 minut batayando mester a bai over na tiramento di pinalty. Akinan e keeper temibel di SV Britannia Vitamalt ta trese panico den e hungadornan di Estrella i aki e narajadanan ta tira tres pinalty afor i di otro banda SV Britannia Vitamalt ta anota tur su pinaltynan pa medio di David Castro, Stijn van Suilen i Daniel Sophia.
SV Britannia Western Union a 1. Titula campeon di Aruba. 2. Goalgetter David Castro. 3. MVP Darrel Franken. 4. Anotador di e dos golnan Francis van der Linden. Pabien na e organisacion di Britannia, hungadornan, staff, directiva i fanaticadanan cu a acudi na masa. Sigur unda special na nos sponsernan; Bright Bakery, Frisian Flag, Total Finance, Vitamalt, Pizza Hut i Western Union.
