Dialuna mainta tempran otro accidente di trafico ta tuma luga na e famoso crusada na Noord, unda e luznan di trafico no ta funcionando. Ta trata di e crusada grandi na Palm Beach. Tabata rond di 8.30 di mainta automobilista den bisindario a tende un zonido duro y a constata dos auto a dal net na e crusada banda di Wendy’s Palm Beach.
Tabata trata aki di un Suzuki Grand Vitara cu tabata biniendo di Playa y bayendo direccion nort, y un Hyundai Accent cu tabata biniendo di direccion di South Beach. Segun por a compronde eybou, e chauffeur di e Suzuki a bisa cu e luznan di trafico no tawata trahando y p’esey el a sigui stret y net e momento ey e otro vehiculo a subi caminda. Den e impacto el a pone bira 180 grado.
Polis di trafico a presenta pa tuma dato di e sucedido y haci investigacion di con e accidente a tuma luga. Ambulance a yega na e sitio pa duna asistencia medico avansa. Ambos chauffeur a haya sla pero esun di e Hyundai Accent a haya mas sla y a transporte pa hospital.
