Diahuebs mainta, pa mas of menos 8:00 am, a sosode un accidente na Cura Cabay, caminda cu un auto Ford SUV colo preto, a sali dilanti di un trahado di post riba scooter, cu e consecuencia cu esaki a dal den dje. Den e impacto, e motociclista a herida su brasa.
Segun informacion, e trahado di post tabata biniendo fo’i San Nicolas, direccion abao, na momento cu e SUV a sali su dilanti, cu e consecuencia ya menciona.
Tanto polis como ambulance a presenta pa atende cu e accidente. Mientras cu personal paramedico a bay cu e victima pa ricibi atencion medico, polis a hala atencion di e chauffeur di e Ford, kende no tabatin rijbewijs. Daño causa na e scooter ta considerabel.
