Sushi den container a pega candela

Diabierna atardi algo prome cu 7or a bati alarma pa candela den area di Alhambra Mall. Den e parti pabou di e food court un container tabata saca basta huma. Trahadonan a notifica Polis y Cuerpo di Bombero.

Un truck di Bombero a yega den algun minuut y a domina e candela un rato despues. Polis a tene mirones poco leu. Na e sitio por a bin compronde cu ta prome biaha cu algo asina a sosode den e luga. A señala tambe riba e hecho cu tabatin un tanki di gas den cercania cu por a forma peliger. Daño a keda limita paden di e container.