Polis no a topa arma cu a uza pa menasa na Olde Molen

Diadomingo, algo pasa di 2’or di madruga, polis a haya un notificacion cu e conocido Nigel lo a menasa cu arma di candela na Olde Molen. Varios unidad a mobilisa pa e sitio y a bin topa cu e Honda CRV color shinishi, den cual supuestamente e sospechoso lo mester tabata, djey bandona e sitio. Polis a sali en busca di e sospechoso y a bin topa cune den e parkinglot di Gusto. A ristra e auto en cuestion pa e arma, pero no a topa cu nada.