Pa yuda preveni coronavirus, esta COVID-19, Super Food Plaza a tuma medidanan tanto pa clientenan ocmo empleadonan. Por fabor pa nos tur hunto coopera den e momentonan aki pa mantene nos isla saludabel. Super Food Plaza ta haci tur esfuerso pa keda percura cu tin stock di tur producto na su prijs regular den tienda.
Na e momentonan aki, no tin scarcedad di alimento. Cu cooperacion di un y tur, nos isla por surpasa tur reto. Den e temporada nos dilanti nos ta percura pa lo siguiente:
- Limpiesa constante di man di portanan, kassanan, balie, mesanan y tur otro superficie cu ta mishi cun’e den tienda;
- Limpia garoshinan y macutonan di compras continuamente;
- Percura pa empleadonan laba nan man bon constantemente;
- Percura pa tin hand sanitizer disponibel pa limpia man.
Nos ta pidi cooperacion di nos clientenan pa ora di bin haci compras cerca nos. Nos ta pidi pa lo siguiente:
- Tene por lo menos 1.5 meter di distancia entre personanan den tienda y tambe na kassa;
- 1 persona pa famia so bin haci compras, no trece henter famia;
- Sigui recomendacion di DVG ora di tosa y deshaci di lenso di papel;
- 7:30-8:30AM ta ora di shop pa esnan ariba di 60 aña y hendenan cu sistema imunologico deligado. Otro clientenan por fabor bin shop despues di 8:30AM.;
Tambe nos tin e servicio di entrega (delivery) den caso di urgencia. Por tuma contacto via nos e-mail [email protected]. Esaki ta conta pa esnan cu pa motibo di saludo no por yega cerca nos. Nos ta gradici nos clientenan p’e cooperacion y pa cualkier otro pregunta por tuma contacto cu nos via Facebook.
