Super Do It Center un biaha mas tin su Black Friday Sale y e biaha aki e ta mas grandi. Pa lunanan a prepara p’e dia aki. A hasta pensa riba e distancia social pa un y tur.
Luis Niebles, Floor Manager Do It Center, a splica cu tur hende ta yega cerca nan y tin chens di cumpra productonan na un super bon prijs. Den tienda lo tin un descuento global di 20%, cual ta 15% pa cliente y si tin carchi di miembresia tin 5% riba dje. Henter tienda tin e descuento grandi ey. Tambe ta bay tin blaasnan rond, cu productonan di 30% pa 50% di descuento.
Ta algo grandi cu Super Do It Center a planea p’e pueblo di Aruba. Segun Niebles, nan kier colabora cu e situacion di duna tur hende e oportunidad di cumpra productonan di bon calidad y na un bon prijs. Nan tin diferente decoracion pa Pasco, pero tambe otro productonan manera luz, cortina, decoracion di cas, verf y tur na bon prijs unda cu por spaar.
E productonan cu Super Do It Center tin pa ofrece ta na bon prijs. Marisol Gonzalez, di Do It Center, ta invita tur hende pa yega na Do It Center na Shaba, Camacuri y Savaneta unda cu tur tin mesun special. Door di e occasion aki mañan tin un orario special di cual nan ta cuminsa traha desde 7:00AM te 10:00PM. Ta habri pa hopi ora cu hendenan por yega y mira kico cada cliente mester di dje.
