Sunset Parade tabata yena cu ambiente

Despues cu solo a bisa e dia ayo, gruponan a stel op dilanti di Cheng’s Supermarket y a sina crea un tremendo ambiente riba caya.

E publico presente a sa di gosa di un Sunset Parade, no mucho grandi, pero toch yena cu musica y naturalmente cu gozo di parti di e participantenan.E parada a sali for di 7’or, pasando den Bubali, sigui den Boegoeroei, pasa e rotonde na Noord y caba na CMB.Un total di cinco grupo a participa den Sunset Parade.

E parada a habri cu Quality Brassband, sigui pa Friends & Family Steelband – Sero Janchi – Patruya 37. Despues a sigui Infinity Carnival Group compaña pa DLS cu e tema Infinity Love. Pink4Life hunto cu Le Groove a bin cu e tema 20 years of living soca. Y por ultimo Champagne Carnival Group compaña pa Tsunami cu e tema Brush Team.

Riba e grafico por tira un bista di e ambiente cu a reina durante Sunset Parade, como comienso di e ultimo paradanan cu ta marca e recta final di nos carnaval 66.