Summer Rain Prom Edition ta bay ta dia 31 di Mei den Hilton Ballroom

Diahuebs dia 31 di Mei, Kiwanis Buildersclub Mon Plaisir College, ta organisando e Summer Rain Prom Edition. Rafael Garcia, PR y miembro di directiva, a conta cu esaki ta di cuater aña cu nan organisando e prom. E aña aki ta bay tin diferente artista cu ta bay participa na e prom.

ADV

D’licious ta bay ta e banda principal e anochi aki. Fuera di esey ta bay tin varios otro artista y tambe DJ y special acts, cual lo menciona riba na pagina di Facebook y tambe riba Instagram.

Ta invita un y tur pa like pagina di Kiwanis Buildersclub Mon Plaisir College y sigui nan riba Instagram pa mas informacion riba esaki.

E evento aki ta bay tuma luga den Hilton Ballroom diahuebs, 31 di Mei y entrada lo ta na balor di 50 florin.

Loke cu Buildersclub ta haci ta pa siña e muchanan pa ta lider den comunidad. Ta organisa proyectonan pa fundraising. Tin varios proyecto den comunidad, caminda cu e miembronan di Buildersclub mes ta yuda cu e proyectonan cu nan ta organisa den comunidad.

Summer Rain Prom Edition ta bay ta dia 31 di Mei den Hilton Ballroom

Summer Rain Prom Edition ta bay ta dia 31 di Mei den Hilton Ballroom. Click e link pa mas https://24ora.tv/2Wn1byL

Posted by 24ora on Wednesday, May 22, 2019

Un di e ultimo proyectonan cu nan tabata tin, a invita 50 mucha menos afortuna pa bay na e Parke di Animalnan, caminda cu nan por a busca nan paaseitjes, nan a haya regalo, icecream, hamburger, y asina por sigui menciona. Nan a pasa un dia tremendo. A busca nan cu bus y hiba nan bek scol despues di e dia aki. Nan a keda sumamente contento.

Esey ta un di e proyectonan cu Buildersclub ta organisa pa comunidad. Pero e parti di mas importante ta pa nos hubentud di awendia, bira lider despues den comunidad. Ta pesey tambe ta organisa e prome aki. E no ta specificamente pa Mon Plaisir College, pero pa tur hoben en general.

Ticketnan ta disponibel na Mon Plaisir College, pa otro siman diabierna, pa e ta un exito rotundo, manera tur tres aña anterior.

Portanan ta habri 8’or y e fiesta ta cuminsa 9’or di anochi den Hilton Ballroom. Ticketnan ta na balor di 50 florin y tambe ta disponibel na Gallo Rojo San Nicolas, C-Jam Barbershop Playa of por tuma contacto cu miembronan di Builderclub.

 

Comments

comments