Stuurment’i auto bou influencia por hinca bo den problema

Tur cos a cuminsa alrededor di 8:55 pm ora cu a bati alarma pa un auto marca Kia color blanco coriendo hopi malo den Vondellaan. Polis a activa mesora y logra par’e na altura di Banco di Caribe. E chauffeur berdad tabata mustra hopi cansa. Polis a dun’e varios chens pa haci un test di alcohol cu ne pero mirando e estado di e persona, no a logra haci e test cu ne. A bay over mesora n’e proceso di detencion. Ta sospecha cu e chauffeur ta bou di influencia. Den un transporte policial a hib’e pa warda di polis caminda lo present’e dilanti un subfiscal.

E reto no ta cu bo tin problema di alcohol of droga, sino cu tin ayudo, Mescos cu bo, tin hopi otro ciudadano cu tabatin of tin e mesun problema cu bo y cu ta dispuesto pa comparti cu bo nan storia di exito, cu awe nan ta liber di alcohol of droga. Ta un grupo cu ta topa diariamente na diferente sitio, pa esun sostene e otro y hunto laga e bicio, cu ta caba cu bo famia, bo carera laboral y sin lubida bo salud.

Stuur auto bou influencia di alcohol tin su consecuencia

Posted by 24ora on Friday, March 17, 2023

Alcoholic Anonymous Aruba ta existi pa hopi aña caba y tin reunionnan diario, tanto na nan clubhuis na Sabana Liber na Noord of na Weg Seroe Preto na San Nicolas. Pa mas informacion di orario di reunion of pa por bel y papia cu un boluntario, subi e website: www.aa-aruba.org.

 “Hende no ta cambia pasobra nan a mira e luz. Nan ta cambia pasobra nan a sinti e cayente”