Den e ultimo simanan di skol Studiantenan di SGO Goslinga a hasi diferente aktividat.
Djaweps ultimo e studiantenan a partisipa den un “lipdub” .
Un “lipdub” ta un tipo di grabashon kaminda diferente hende ta kanta un kantika konosí, i esaki ta wordu graba den 1 biaha sin stòp. Esaki ta wordu hasi na diferente skol sekundario na Merka i Canada.
SGO huntu ku Impact Creative Agency a trese e fenomeno aki na Kòrsou tambe.
Prome e studiantenan a haña un workshop di kiko ta un lipdub, despues bou di guia di Nishanty Esclodina i Dionel Fransisca a train e parti di baile i huntu ku Rovendley Welvaart i Glainy Lacroes a train parti di drama i ekspreshon. Por ultimo a traha e koreografia pa e “lipdub” huntu ku e studiantenan i finalmente graba esaki. Tinku bisa ku e hobenan e pasa un ratu hopi ameno huntu ku e team di Impact Creative Agency.
Pa e lipdub a uza e kantika tan konosi di Nathan Senchi titula “Bendishon”, E lipdub lo ta pronto online pa asina Kòrsou por wak i disfruta di loke e hobenan kreativo di SGO Goslinga a traha.
