Studiantenan di Maria College MAVO lo tin nan Science Fair

Diabierna dia 22 di Maart Maria College MAVO lo tin nan Science Fair y Dayenne Valdink, docente di Natuurkunde y Scheikunde di Maria College MAVO, ta organisando esaki pa di 2 biaha.

Studiantenan di Maria College MAVO lo tin nan Science Fair

Studiantenan di Maria College MAVO lo tin nan Science Fair

Posted by 24ora on Wednesday, March 20, 2019

E kier purba organisa esaki anualmente, mirando cu e muchanan ta interesa den techniek. Tin hopi mucha cu tin talento p’e, pero cu no tin e espacio den curriculum pa realisa.

E meta ta cu durante e science fair nan por haci algo, un proyecto cu nan ta inspira. Tambe a base di e tema di e aña cu ta “Back to the future”, pasobra aña pasa e tema tabata “Maria gaat op reis”. Ta bin cu un proyecto cu tin di haber cu Natuurkunde y por ta gelink cu Scheikunde, unda cu ta bay den pasado y ta haci investigacion pa futuro.

E Science Fair aki ta pa ciclo avansa 1 y 2 y tin 108 mucha. Juffrouw Valdink simplemente ta duna cifra p’e vak, pero tin huradonan di afo invita kendenan ta ingeniero di WEB, Elmar y di otro companianan. Nan ta bin controla e muchanan y duna e cifranan a base di un rubriek y lo saca un ganado. E Science Fair aki ta pa tur hende y specialmente pa muchanan jong. Mester cuminsa stimula nan, e ta un isla berdad pero por haci hopi.

Tin hopi compania ta dispuesto pa yuda e muchanan, sponsor. Tambe yuda e muchanan cu investigacion. Ta invita tur hende pa bin e Science Fair, specialmente hobennan pa bin mira algo completamente diferente. Por ta inspira nan pa nan mesun praktisch opdracht pa futuro of p’e aña ki mes.

Joel Croes, studiante di Maria College MAVO, hunto cu su grupo ta trahando riba un go kart. Esaki ta un idea cu nan a bin cun’e 1 aña pasa ora cu 3de klas tabatin nan Science Fair. Joel Croes y un amigo a dicidi di yuda un grupo di 3rde y awo nan ta trahando riba nan go kart. Segun Joel Croes, nan ta bayendo basta bon pa ta studiante. Nan no tin echt trabou y no tin hopi placa, pero e ta bay si.

Ta pidi sponsor pa asina yega na loke nan tin. Nan a bin cu e idea pa bin cu un go kart powered cu coriente, manera tin autonan cu coriente. Nan a bay na un luga cu yama ACE Firm y a pidi sponsor y a yuda nan cu motor y solar panel. Asina aki a yega unda cu nan ta y ta charge e baterianan cu solar panel. Nan ta basta leu cu e proyecto y loke cu falta ta un switch pa pone e luznan riba e go kart. E inspiracion a bin di Joel Croes su grupo cu semper ta traha cu otro.

Comments

comments