Sticks: Un concepto culinario diferente y economico den centro di ciudad

District 7 ta un concepto den centro di ciudad, unda cu varios compania ya ta forma parti di dje. Dia 27 di april a habri tambe Monasteries Suites, cual ta hopi cerca di Gin & Olives Lounge Garden y Jimmy’s Kitchen. Loke cu Toine v/d Donk, propietario di District 7 y tambe Monasteries Suites, como tambe e demas companianan kier bin cun’e ta Sticks.

Un concepto nobo culinario y sumamente economico. Bo por hay’e den tur e restaurantnan di District 7 rond di e isla. Sea cu bo ta bay via Drive Thru of restaurant.

Segun v/d Donk, e ta manera un tayo di palo diseña pa Rolf Guda. E tayonan aki bo por yena nan cu seis sticks. E prijsnan ta varia entre 2.50 y 4.50 dollar. Si bo ordo un tayo completo, e prijs maximo ta por lo menos 7.50$, cual ta un prijs perfecto pa un dinner perfecto den un luga bunita.

Sticks: Un concepto culinario diferente y economico den centro di ciudad

Sticks: Un concepto culinario diferente y economico den centro di ciudad. Click link pa mas https://24ora.tv/2Xtvsbw

Posted by 24ora on Friday, July 5, 2019

V/d Donk ta sigui splica cu den tur nan luganan, nan tin un programa semanal. Riba dialuna nan tin 10% di descuento. Riba diamars, nan tin na diferente luga, ta traha cu un marca di licor na mita prijs. Tambe nan tin menu di desayuno, di brunch y tambe por haya riba nan website sin lubida nan pagina di Facebook.

Sticks ta diverso. Den e ambiente aki, cual nan tin District 7 Club, nan ta habri 6 dia pa siman, tanto pa lunch como dinner

Hasta bo por come durante oranan di e club, sea te 2’or di marduga. E clientenan por pasa via e Drive Thru pa 5’or di mainta, si ainda bo tin hamber.

V/d Donk por ultimo ta invita un y tur pa pasa gratis. Aunke cu despues di 12’or di mey anochi, ta cobra 10 florin pa entrada den e club.

Asina ta pasa na Jimmy’s Kitchen y Gin & Olives Lounge Garden y e full renoba 7 Club Lounge Bar, tur parti di District 7, situa den Windstraat 32.

Ya for di tempran caba por pasa tira un bista den e hardin nobo caminda cu tin presentacion di artistanan invita, como tambe den e club mes tin DJ ta toca y show riba stage. Sin lubida purba e concepto culinario Sticks.