Basa riba e criteria di Band of the Year cu Stichting Musica ta mantene, un cuerpo di hurado distribui riba e rutanan di Carnaval a evalua cua ta e banda cu a contribui mas durante Carnaval 71.
E criteria ta lo siguiente:
▪ E banda mester a participa na “Aruba Caiso & Soca Monarch su Soca Finals 2025” y/of den “Festival di Tumba 2025”
▪ E banda mester a participa entre e siguiente parada nan di Aruba su Carnaval 2025:
– Parada di Luz na San Nicolas
– Lighting Parade Oranjestad
– Parada di Jouvert Morning
– Parada Grandi di San Nicolas
– Parada Grandi di Oranjestad
▪ E banda cu miho animacion den parada nan
▪ E banda su zonido
▪ Presentacion di e banda su trailer den e paradanan
▪ E banda mester toca e Soca ganador di Aruba Caiso & Soca Monarch – Soca Finals 2025 “1 For Unity” of e Tumba ganador 2025 “Ban Cumi”.
Stichting Musica ta anuncia BAND OF THE YEAR 2025: GROOVE MASTERS
Groove Masters a destaca durante di e evaluacion di hurado y como Band of the Year ta gana e suma di Afl.5000,- como premio. Groove Masters a destaca cu un bon calidad di sonido, tremendo animacion cu un repertorio di cancion nobo y clasico y cu un presentacion cu a impresiona nos comunidad en general.
E premio pa Band of the Year lo wordo entrega durante e Prize Award Event di Stichting Musica.
Un pabien grandi parti di Stichting Musica pa tur banda musical cu a participa na Aruba Caiso & Soca Monarch su Soca Finals 2025 y tambe na e paradanan di Carnaval 71
