Aña pasa a firma e compra di Cas Veneranda di Stichting Monumentenfonds Aruba pa renoba esaki. E plan ta pa haci uzo di e edificio aki pa departamento gubernamental. Sinembargo, debi na yobida e trabou a conoce retraso. E fundacion ta spera di por termina cu e trabounan otro aña.
Anne Witsenburg, director Stichting Monumentenfonds Aruba, a splica cu e proceso a inicia hopi aña pasa, esta diestres aña pasa. Sinembargo aña pasa a inicia cu e proceso di restauracion. E ta spera cu tur cos bay bon.
Tur persona cu ta pasa den Wilhelminastraat por a tuma nota con lihe e trabounan di renobacion ta bayendo. E edificio tin su color original caba, tur detaye ta poni. Ainda tin hopi trabou pa haci den e parti paden. Nan ta spera cu fin di aña of comienso di 2026, na januari, nan por termina completo cu e proyecto aki.
Segun Witsenburg, awasero a hunga un rol y a stroba e proyecto hopi. E trabou ta uno hopi grandi, e edificio no tabata tin dak mas despues di e candela di 2014. Nan a haya nan mes ta cambia hopi cos, reconstrui y restaura. P’esey e ta spera cu nan ta bay termina net comienso di otro aña.
Pa mas lesa TREMPAN.COM.
