Mircla Navas ta traha pa Stichting Monumentenbureau di Aruba den PR, Marketing & Educatie y ta papia di algun cambio cu a tuma luga.
Luna pasa a haci inauguracion di nan panelnan solar, den cuadro di e celebracion di e di 21 aniversario di e fundacion. Cu esaki kier marca un etapa nobo den locual ta monumentonan di Aruba, caminda cu kier ta e ehempel cu por haci uzo di energia sostenibel riba edificionan monumental tambe. Aña pasa monumentenbureau a presenta un handboek, unda cu tin reglanan nobo, caminda cu tambe ta duna espacio na doñonan di monumento pa haci uzo di e tipo di energia sostenibel aki. Claro e ta mara na regla, manera por ehempel cu e no por ta visibel na e banda di caminda publico. Den e caso aki e edificio tin un dak halto cu ta full tapa y no ta mira e dak for di caminda. E ta ideal pa por haci esaki.
A haci uzo di panelnan solar den e caso aki y cu ta cubri locual ta uza na energia pa nan trabaonan diario.
Banda di esaki tambe tin un charging station pafo pa vehiculonan electrico completamente gratis.
Actualmente e tin cu haci un reparacion chikito, pero despues di esaki e ta completamente gratis cu tur hende por haci uzo di dje. Esnan cu ta doño di autonan electrico. E idea di esaki ta pa nan ta e ehempel. Pa hende mira cu nan por adapta nan cas tambe. Sa cu gobierno ta trahando den corto tempo, cuminsa proteha monumentonan priva, doñonan di casnan di cunucu por ehempel of cu tin edificionan monumental cu ta den mannan priva pa nan haya nan proteccion debido. Y cu esaki kier stimula e hendenan cu pasobra tin un monumento proteha no por haci cambionan moderno riba dje. Ta e idea principal tras di dje pa duna e ehempel na e otronan.
Tipo di cambio
Monumentenfonds por duna informacion di locual ta nan experiencia. Hopi biaha hende ta bin cerca nan pa conseho y ta duna te caminda cu por. Si kier e reglanan corecto pa tene bo mes na nan y ora yega asina leu cu nan ta bira doño di monumentonan protehi, nan mester sa e reglanan, nan tin cu acerca monumentenbureau cu ta departamento di gobierno, cu ta percura pa tur e reglanan y ta controla pa esakinan ta wordo haci debidamente tambe.
Relacion cu departamento di monumento
Monumentenbureau ta e departamento di gobierno. Nan ta zorg pa e regla y permisonan. Na momento cu nan tin un proyecto di mantencion of restauracion, nan tin cu pidi e permisonan cerca nan. Hopi biaha Stichgting monumentenfonds ta haci e project leiding y ta trahando hunto cu Stichting Monumentenfonds henter aña hunto cu nan. Nan ta haci un bon trabao tambe door di percura pa tur hende tene nan mes na e reglanan, pa por proteha e monumentonan.
