E di dos coredor Arubiano cu a drenta final di un triathlon di 70.3 kilometer cu a tuma luga na Cartagena de Indias, Colombia.
Stephanie Wever a yega na final despues di a landa, core bicicleta y core. Segun el a splica cu e tabata hopi duro. E tabata hopi mas pisa di loke el a kere cu ta. E ta asina gradicido, cu el a sa di want’e y cu su famia a bin pa sosten’e.
Esaki sigur no lo ta e ultimo triathlon.
E trayecto na pia tabata hopi duro p’e, pasobra ta calor. Ta haya calamber, dolor di stoma, hasta saca a saca. Tur cos a caba. Tabata tin un parti unda cu el a baha for di bicicleta, el a pensa cu e lo bay caba. Su pianan tabata haci dolor, pero el a catch un ritmo di core. El a papia cu hende na caminda y asina el a logra caba.
E atletanan a haya hopi apoyo na caminda. Hasta ora cu ta cu bicicleta bayendo leu, tin muchanan na caminda ta grita “Si, se puede.” E ta yuda asina hopi ora cu ta pasando den duro.
Hasta e contrincantenan ta duna un palabra di sosten pa sigui prevalece durante e careda di Ironman aki.
Proximo paso
Stephanie a comenta cu e kier mehora su tempo. Na prome instante, e no sa mes ki tempo el a core. E kier wak si e por haci’e miho. E tabata duro y tabata tin momentonan cu el a pensa cu e no lo a bay logra. E kier wak si e por y haci’e ma facil.
Mensahe
Esaki ta un deporte hopi leuk, cu unabes bo hinca bo energia den dje, ta dunabo tur cos bek. E ta bon pa bo salud, djis sigui haci’e, pensa cu bo no por, segun Wever. E no por core bon, pero el a demostra di por core 21 kilometer, cual tabata su prome biaha tambe.
Landamento a bay bon, segun Wever. El a pensa cu el a pensa cu el a landa mas lihe. El a landa e tempo cu el a custuma di landa.
Stephanie kier a haci’e bao di 6:30. El a caba y awo tur cos ta bay. Awo 6:37 tabata su ora. Y Stephanie lo bay sigui cu mas careda. Ironman tabata un experiencia hopi leuk.
E ta sigui bisa cu e bond cu ta crea cu esnan cu ta haci esaki, ta pa semper. Hasta esnan cu a apoy’e na caminda, el a cera un bond cu nan.
Esaki no lo ta e ultimo cu nos lo bay tende di Stephanie Wever.
