STA: Pakete di retiro cu Aeropuerto ta ofrece su trahadonan no ta dje malo ey!

4052

STA a reuni cu Aruba Airport Authority (AAA) riba pakete di retiro boluntario cu a presenta na e empleadonan. Segun Presidente di STA, Diego de Cuba, a e reunion aki ta basa riba un reunion cu gerencia di AAA NV cu tabatin cu e empleadonan diaranson mainta den cual a presenta un pakete di retiro, un afvloeingspakket pa esunnan cu kier bay boluntario.

E afvloeingspakket cu nan a bin cun’e, no ta malo, pa esunnan cu tin hopi aña den servicio. Pero riba esey a reuni diaranson atardi tambe pero a presenta esey na e trahadonan. Pero STA kier sa kico ta plan B cu AAA NV. Nan plan B ta, manera cu ta compronde for di nan, cu kier reorganisa y sinonimo di reorganisacion ta retiro. Esey ta locual cu STA a discuti bastante hopi riba dje, pasobra no kier pa ningun hende kier perde trabao, pio den e temporada dificil aki.

Kier spaar placa, kier spaar den personal. Pero tin cierto departamentonan cu por ta ranca hopi placa di e compania y toch locual e departamento ta produci no ta loke AAA ta spera di dje. Locual cu si a yega na un acuerdo pa nan traha riba un comision pa analisa si por bin cu otro schedule cu hendenan por traha 6 ora pa dia, cual den concepto di STA ta super dificil pasobra ta trahadonan di warda y ta cambia otro cada ocho ora. Si haci’e pa 6 ora, tin cu traha cu 4 hende. Ta un situacion cu tin cu bay studi’e y e comision tin di bay reforma ainda. Despues ta bay fula tera cu e miembronan, si nan ta bay di acuerdo cu esey tambe.

STA: Pakete di retiro cu Aeropuerto ta ofrece su trahadonan no ta dje malo ey!

STA: Pakete di retiro cu Aeropuerto ta ofrece su trahadonan no ta dje malo ey!Click link pa mas: https://24ora.news/2WpludJ

Posted by 24ora on Wednesday, July 15, 2020

No ta cuestion cu AAA lo bay kita hende. Nan a bin cu un pakete pa hendenan bay boluntariamente. Si den futuro nan bin bisa cu e hendenan tin cu bay, e ora ey nan tin cu bay pidi permiso di retiro via departamento di labor of nan tin di bay Corte pa pidi pa desolve e contract di trabou. 

E sindicato ta consciente cu departamento di labor no ta dunando ningun ontslag vergunning awor aki. Y pa e proximo tres pa cuater lunanan tur hende por ta trankil te hasta fin di aña, pasobra ningun compania lo haya permiso pa kita trahado. Pues locual cu AAA kier bin cun’e mester mira si ta factibel y si e por bay funciona, segun Diego de Cuba.

Kico e pakete ta encera

E pakete cu AAA a bin cun’e ta ofreciendo un luna pa cada aña di servicio y riba dje 4 luna, si tin 40 aña di servicio ta haya 44 luna. E ora por haci e calculacionnan. Tin aki por ehempel tin 3 aña y mey di salario e ora e trahado ta dicidi si e ta tume si of no.