Trahadonan di post dialuna mainta a bay den accion pa motibo di un malcontento tabata cushina den e departamento di besteller y awo cos a explota.
Nan tin problema cu dos persona cu gobierno a pone na Post NV, kendenan a lubida cu ta bibando den un democracia y ta practica dictadura. “Cu dictadura no ta yega ningun caminda den ningun compania. Bo ta baha productividad di e empleadonan y esey ta pasando aki,” Diego de Cuba, presidente di sindicato STA.
E kehonan ta riba dos persona poni na Post NV sea door di gerencia of minister. “Nos no sa kende a pone nan aki pero e hendenan aki tin cu bay,” de Cuba a duna di conoce.
Awor ta bay manda un carta na esnan concerni cu tur e preocupacionnan y ta bisa cu si kier pa productividad subi, mester move e dos personanan dictatorial for di Post. Tur caminda tin regla pa cumpli cu nan, pero no mester abusa di poder y di tur e reglanan cu tin.
E sindicalista ta considera cu e trahadonan di Post ta pasando den un “mental harrassment” y ta algo hopi dañino pa salud di e empleadonan.
Mañan e sindicato lo sinta na mesa cu esnan concerni.
