St. Paulus School ta den full swing den preparacion di e marcha cultural di e aña aki. Juffrouw Marcia, kende ta cabesante suplente y remedial teacher di e scol y tambe encarga cu e organisacion di e marcha, a splica esaki ta algo cu tin cu prepara. E maestro ta prepara e mucha pa e drenta den e parti aki.
E ta encera entre otro cu tin cu duna nan e informacion corecto, e lesnan, Ta cuminsa na scoge e topico. E ora ta bay over pa bay con lo amplia e topico aki pa trece riba caya. E ta un preparacion basta extenso. Bo mester tin e informacion corecto y con ta trece den arte, pa trece riba caya pa brinda e informacion aki na pueblo.
E muchanan ta hopi bezig cu esaki y cosnan hopi tremendo lo subi caya e aña aki. Esaki ta e di tres aña cu Paulus School ta organisa e marcha cultural aki.
A cuminsa cu brassband cu ta marcha den cayanan di San Nicolas cu algo di musica den background. Awo e ta un parada grandi, caminda aña pasa Scol Santa Teresita a join e marcha. Scol Caiquetio ta full prepara y cla pa join e marcha di St. Paulus School.
Ya tin klas cu a cuminsa pensa nan tema di otro aña. Otro aña ta lustro grandi di Himno y Bandera y Status Aparte. E cos cada biaha mester crece. No mester bay pa e parti unda cu ta djis traha cos hiba riba caya. E ta crece mas den intensidad di informacion..
Por ehempel klas 2, si e prome aña a subi cu djis bandera den man, a representa bandera. E ta bin cu historia di bandera di Aruba. Con Aruba tabata prome cu Status Aparte. Ta duna e tema asina mas informacion cu e muchanan tin mester, cu no ta djis e bandera so.
Ta djis un ehempel cu nan a bin cun’e. Ta wak cu cada biaha e marcha ta birando mas y mas grandi. Esey ta e meta su tras, E meta ta pa enrikece cultura di Aruba y ta ken mester haci’e. Ta e grandi mester pas’e pa e muchanan, pa asina nan por sigui cun’e den futuro.
St. Paulus School ta invita pueblo di Aruba en general, aunke ta den cayanan di San Nicolas, pero esnan cu tin e tempo, bin un rato dia 17 di maart. Pa 8’or y mey ta sali for di St. Paulus Scool. Pasa dilanti di Joe Laveist, bay den caya Dick Cooper y despues pasa de Caya Grandi di San Nicolas, pasa Carnival Village y bay bek scol.
E evento mester caba pa 10.30 di anochi, ya cu esey ta e ora cu tin poni den e permiso haya.