E actividad tabata uno Carnavalesco, despues cu dos aña largo no tabata por a haci nada. Randy Arends, cabesante di St. Paulus School, a cuminsa na bisa cu e actividad tabata cu cada klas tabata tin nan shirt decora cu nan tema, cu nan headpiece. Meta di e actividad aki tabata tambe un fundraising pa e proyectonan di innovacion di e scol.
St. Paulus School ta conta cu 250 alumno. Mas di 500 hende a bin pa asina sostene e evento aki cual sigur nan ta hopi contento cu e acogida aki. Cada klas por a traha riba nan mesun creatividad, unda cu e muchanan a haya un tema y esey a bay cas cu ne. Na cas nan a traha y a elabora riba cada tema di cada klas. Algun di e temanan tabata Chinatown, naturalesa, Amazonia. Cada klas a presenta nan tema y na un manera creativo. Tambe cada klas a traha un speech, nan tabata tin nan reina y nan prins cu pancho di cada klas. Hunto nan a presenta un show di mas o menos 10 minuut.
CREATIVIDAD
Na scol por a ripara un anticipacion cerca e muchanan, cu hopi emocion tabata conta con nan tabata trahando den seno familiar riba nan obranan. Y esaki ta loke a resalta den presentacion.
E actividad aki a cuminsa como un idea chikito y pocopoco e idea a sigui crece, bira mas grandi. Segun e simannan tabata pasa, scol a busca mas tribune pa hendenan por sinta ya cu e acogida tabata mas grandi di loke nan mes a spera. Pero si nan tabata prepara pa haci e actividad aki uno exitoso.
Por ultimo Arends a gradici e sponsornan cu a yuda nan den haci e obra aki un realidad.
