St. Maarten tin 2 caso di fayecemento di COVID-19

1248

St. Maarten tin 2 caso di fayecemento door di COVID-19. E prome victima a fayece na su cas, mientras e di dos a muri den St. Maarten Medical Center (SMMC). Fuentenan ta bisa cu e victima a fayece diahuebs despues di 3:00PM y ta un homber di 47 aña cu ta biba na Cole Bay.

SMN News a ricibi ta cu e pashent no por a ricibi bishita pa motibo di restriccionnan cu tin, algun staff di SMMC tabata conmovi. SMMC ya caba ta luchando pa mantene e forsa laboral den servicio, mirando cu e nursenan y dokternan ta den panico cu e brote di COVID-19 y falta Ekipo di Proteccion Personal (PPE). Na e momentonan aki SMMC tin solamente 2 mashin di hala rosea (ventillators). Prome Minister, Silveria Jacobs, a bisa via su Adres Nacional cu St. Maarten lo haya 6 mas den comienso di April.

Mientras cu e Gobierno di St. Maarten ta implementa algun restriccion p’e movecion di hende y tambe ta cerando hopi negoshi, mas sigur e Gobierno lo tin cu cera e isla completamente pa asina nan por tin completamente control di e situacion di pandemia aki cu ta plama manera candela. A implementa un toque de queda (curfew), pero tin residentenan cu ta viola e medida. KPMS tin nan man yen mientras cu nan ta controlando y bringa crimen. E anochi di 1 di April, polis a aresta hopi hende y a duna boet na esnan cu no ta resperta toque de queda.

Gobierno di St. Maarten ta implementa e mesun medidanan na e banda Frances, unda cu hendenan tin cu tin un “form geprint” pa ta riba caminda publico. Hopi hende riba media social ta keha di e rekisito nobo pasobra hopi persona incluso profesional no tin “form geprinted” na cas. Pa solicita e “form” aki tur dia ta un costo adicional pa hendenan cu no ta traha caba. Tur hende sa cu no tin un textbook con pa maneha e outbreak di COVID-19 y e proceso aki ta un cu tur pais ta siña di dje. Ta tempo pa Gobierno di St. Maarten gara e toro na su cacho y implementa un lockdown completo.

Economicamente St. Maarten ta perdiendo hopi manera resto di mundo, pero di tin su hendenan ta move rond henter dia y incluso anochi, ta ocasiona cu lo tin mas daño haci na e pais y hendenan. Hopi pais a haci un shut down completo porme cu nan por a tuma control di e pandemia di COVID-19. St. Maarten ta un pais chikito cu falta di tur recurso y solamente ta biba di turismo, cual durante henter aña lo ta afecta.