Minister di Enseñansa, Siensia, Kultura & Deporte sra. Marilyn Alcalá-Wallé, a duna atenshon speshal na 3 ámtenar, Sr. E. Balootje, sra. I. Francois i sra. S. George ku dia 1 yüli ûltimo, kada un a kumpli 35 aña den servisio den Gobièrnu.
Direktor di Sektor di Kultura & Deporte sra. Lizette Sambo-Velder a invitá nan pa un reunion serka Minister, huntu ku nan èks-hefe sra. Susan Larmonie-van Heydoorn. A felisitá nan i yama nan danki pa tur e 35 aña nan den servisio na komunidat di Kòrsou. Tur tres ta aktualmente den servisio di Gobièrnu na Sektor di Kultura & Deporte. Sra. George i sr. Balootje a traha den varios trayekto manera komishon di Bandera, komishon Krus di Mérito, komishon nòmber di kaya i hopi mas. Sra. Imelda a traha na pais Antiya den e sektor di Finansa i tambe den e proyekto Formashon Sosial Obligatorio. Kada un a konta un tiki di nan trayektoria den servisio di Gobièrnu for di aña 1982 bin ariba. Bunita ta pa remakrá ku ta Minister Alcalá–Wallé mes a duna atenshon na nan dia nan a hasi 20 aña den servisio di Gobièrnu. Pa duna e momentu un toke spesial i pa mustra apresio pa e añanan di labor sra. Minister Alcalá–Wallé a ‘pin’ kada un di nan ku e ‘pin’ di bandera di Kòrsou i tambe a ‘pin’ nan ku un apel komo símbolo di nan aporte i kontribushon balioso na konstrukshon, formashon i edukashon di nos pais Kòrsou. ** Riba e potrètnan athunto por tuma nota di e momentu ku Minister a ‘pin’ kada un di e ambtenarnan i tambe por tuma nota di presensia di sra. Lizette Sambo–Velder i sra. Susan Larmonie–van Heydoorn.
