Den reunion di djarason 15 di novèmber último Konseho di Minister a aprobá presidensia di sr. Kamir Lopez pa e próksimo 4 añanan aki.  Biblioteka den e era 21, ta eksigí abilidatnan diferente, kaminda desaroyo teknológiko ta hunga un papel importante.

Biblioteka den e próksimo añanan ta bai haña un aserkamentu diferente kaminda ta bai tene debido kuenta ku e.o. “The Education 2030 Framework for Action (FFA)” ku formalmente a wòrdu adoptá i lansá durante e di 38 UNESCO Konferensia General na e ofisina prinsipal di UNESCO 2 aña pasá. Tambe ta sali for di e kuadro di Unesco Library Manifesto 1995 i alabes ta konsiderá e marko di referensia/ guia mundial di EuroParlament “Public Library and their new role”.

Esaki ta nifiká konkretamente ku biblioteka ta bai haña un rol prominente komo e.o. instituto di sosten pa nos hóbennan durante nan trayekto eskolar i estudiantil. Alabes biblioteka tin ku bai haña un rol mas prominente komo mekanismo di formashon di un komunidat ku ta disponé di e abilidatnan di siglo 21. Sr. Kamir Lopez, ku e abilidatban riba tereno teknológiko ta un persona hóben ku hopi kreatividat ku por yuda hasi un diferensia notabel den e trayekto nobo di biblioteka nashonal. Masha pabien Kamir!

Comments

comments