“Como Parlamentario y repesentante di pueblo mi ta desea di por a dirigi algun palabra na nos digno pueblo. Nos ta jegando un otro fin di ana. Dentro di poco nos lo jama aña 2017 ayo y duna 2018 un bon bini”, asina Alan Howell di POR ta bisa.

Cada un di nos a experencia sigur sigur cosnan positivo y alaves negativo. Situcionnan placentero y tambe menos placentero. Hopi di nos tambe kisas a logra nos metanan den aña 2017 y tin sigur cu no a logra. Pa esnan cu no a logra, no “give up”, sigui traha duro y cu poder di Dios lo bo por logre den aña 2018. Na nos studiantenan hasi boso best na scol y na nos deportistanan train duro pa logra boso metanan den ana 2018.


Pa esnan cu tin cualkier bisio y ta desea pa stop cu ne y deshaci di dje, ban pe bo por. Pidi Dios ilumina bo caminda y cu fe den Dios kere mi lo bo logra kita tur bisio. Aña 2018 lo bira un reto grandi pa nos gobierno y parlamentarionan pa saka Aruba pa dilanti.

Cu bon Dios duna nos gobernantenan y parlamentarionan hopi sabeduria pa traha duro y hasi lo mihor pa nos pais Aruba. Den nomber di Alan Howell y famia mi kier a desea Aruba henter feliz dianan di fiesta y un bon aña 2018. Cu Dios drama bendicion ariba nos dushi pais Aruba. “ Together we can make it better.”

Comments

comments