Spula krijt a haci pareha jaloers y agresivo

Diasabra pa 2:30am a yama Polis pa atende un caso di destruccion y maltrato dilanti Sandra’s Garden riba Linear Park. Polis a constata cu un homber rabia a yega den e oranan ey di marduga eynan, topa auto di su pareha, a kibra bentananan di e auto cu un bloki y despues maltrata su pareha tambe.

Polis a tuma denuncia di e victima, cu tabata sanger di e maltrato. Polis a bay busca e homber pa detene.

Ta parce cu e homber no a keda contento cu su pareha a bay spula krijt di atardi caba y no tabatin fin di yega cas bek.