Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a cobtinua riba canchanan na Pos Chiquito.
Den un tremendo bataya den AA e equipo di Spuiters MIPA ta saca un victoria importante contra Celebrities pa asina move poko poko buskando e di 4 puesto pa drenta play off. Spuiters ta anota 1 careda den bom di promer inning y ta amplia cu 4 mas den bom di dos inning. Celebrities ta rally pa 5 careda den cabez di 3 inning pa corta e ventaha 5-4.
Spuiters sinembargo ta piki 5 careda mas den bom di 4 pa asina amplia e score y no ta mira bek atras. Boxscore final Spuiters MIPA 10 careda, 12 hit, 1 error y ta laga 4 coredor na base. Celebrities 7 careda, 6 hit, 1 error y ta laga 9 coredor na base. Mihor bateadornan pa Spuiters ta Deyon Peterson 1-1 cu 2 rbi, Christopher Rasmijn 3-2, Gerald Werleman 3-2 cu 2 rbi, Gerald Tromp di 2-2, Carlos Wester 1-1, Silvio Flanegin, Johnrick Flanegin y Joserick Flanegin tur di 2-1.
Pa Celebrities a destaca na bate Jonathan Ruiz di 4-3, Ozzi Webb di 2-1, Benjamin Tromp 1-1 y Wensley Kock di 3-1. Gerald Werleman ta habri e wega pa Spuiters y ta enfrenta 14 bateador tirando 40 bola, 13 strike pa un total di 53 pitch permitiendo 4 careda tras di 1 hit, 2 ponche y ta regala 7 base por bola pero ta seya e victoria riba su nomber. Silvio Flanegin a drenta di relevo y a enfrenta 17 bateador permitiendo 5 careda tras di 3 hit y ta pone un wega salba riba su nomber. Jeremy Geerman ta bay cas cu e derota enfrentando 25 bateador y ta permiti 10 careda di cual 9 ta limpi tras di 12 hit. Ozzi Webb ta drenta di relevo ta enfrenta 1 bateador pa sera e wega. Playoff final diamars 9 di Juli pa 715pm na Pos Chiquito Logros vs Piratas.
