Studiantenan di Scol Pa Ofishi (SPO) Sta Cruz awe mainta tabatin nan celebracion di carnaval cu a pasa den e cayanan cerca di e instalacionnan di SPO.
E parada tabata organisa y bou guia di Reggy Havertong, director interim, kende hunto cu su comision a hinca henter e evento den otro. Esaki tabata prome biaha ta haci jump-up, ya cu semper e tabata un jump-in. El a gradici e comision masha hopi pa tur e preparacionnan haci.
Un di e otro lidernan di e evento di awe tabata Jiany Besselink (Veraorging Docent), kende a splica cu a traha hopi duro hunto cu e team pa logra pone e evento aki riba pia, cu tabata consisti di un jump-in, jump-up, eleccion di Reina y Prins y Pancho. Tabatin presentacion di Rey Tumberito tambe.
Reina di SPO a sali Dorka Sanchez di klas 1A y prome finalistya ta Aliyah Hernandez.
