Den un declaracion cu Speed Andrade a duna, el a desmenti tur rumor cu ta core cu e ta deteni pa contrabanda. Nada di esaki ta berdad, el a comenta, den un declaracion LIVE.
Segun el a splica, esaki ta di seis biaha cu funcionarionan di Warda Costa ta control’e, sea riba lama, unda ta aborda su boto of ora cu e yega costa. E ta algo normal cu nan sa haci, y no solamente cu su boto pero tur esnan cu ta bay den bisindario di Bajo.
E biaha’ki tabatin control tambe door di personal di Departamento di Salubridad Publico, debi na e crisis di coronavirus cu tin. Esaki ta motibo, door cu el a bay riba lama, cu a bis’e tambe pa bay den cuarentena. E ley no tabata asina, pero den e decreto nobo pa alarga toque de queda y otro medidanan ta articulo 9, cu ta dirigi riba piscado y doñonan di boto.
Tin atencion extra pa esnan cu ta sali di awa teritorial di Aruba pa tira of busca pisca, cual ningun di nan ta ilegal. Awo cu e cambio esnan cu ta subi lama tin regla nobo pa tene cuenta cn’e. Gobierno ta prohibi botonan local di crusa awanan teritorial of tuma material for di otro botonan.
