Speed Andrade: “Mi NO ta divulga mi fuente, cera mi numa”

Awe mainta 6:50am, Landsrecherche, riba un keho entrega dor di Minister Andin Bikker y Cuerpo Policial Aruba, a sali detene Nelson “Speed” Andrade na su cas. Ta acus’e cu e sa mas di un supuesto radio di Polis cu TABATA perdi y cu ta den poder di Cuerpo Policial bek di hopi luna pasa. Ta investigando awor unda tur e radio ey lo a pasa y ta “pensa” cu Andrade mester por sa mas.

Di acuerdo cu su derecho universal di prensa, e no kier divulga su fuente ni comparti e informacion cu e tin. Si Polis a perde un radio, nan mester investiga DEN NAN MESUN CAS, ken a perde! Pa esey, awe merdia a dicidi di laga encarcel’e.

Abogado mr. Patrick van der Biezen y Mr. Chris Lejuez ta encarga cu su defensa. El a bisa e recherchenan cu “Mi NO ta papia nada!”. Tambe el a bisa nan cu nan por wel di cer’e con largo nan kier, pasobra e no ta bay bisa nada. E sa cu henter e supuesto investigacion aki ta bini di “ariba” y tin envolvimento politico su tras.